Bizkaiko gastronomia desberdin egiten gaituen egintza moduan sustatzea, bertako produktuak defendatzea eta betiko zein egungo errezeta bizkaitarretan sakontzea; horiexek dira, hain zuzen ere, Geugaz Jan Bizkaiko Sukaldarien Elkartearen helburu batzuk, Bilboko Euskalduna Jauregian 2001eko maiatzaren 2an jendaurrean aurkeztu zirenak.

“Miniaturazko ibilbide gastronomikoan” zehar, 2.000 lagun baino gehiagok "Geugaz Jan" elkarteko kide diren 29 sukaldarien platerez gozatzeko aukera izan zuzen. Hala, betiko sukaldaritzaren eta egile-sukaldaritzaren txatal txikiak dastatu zituzten. Azken horren baitan, besteak beste, foiezko eta sagar berdezko pastel kurruskaria, odolkiz betetako porru-kaneloia, Idiazabal ketuzko biribilkinak, irlandarra whisky-gelatinarekin… Eta betiko sukaldaritzaren baitan, bakailaoa Bizkaiko erara, odolki-pastela eta Gernikako piperrak, Club Ranero erara egindako bakailaozko kroketak...